Ահա ևս մեկ ավարտ...բայց նոր` ավելի լավ կյանքի սկիզբ...

    Տարեվերջյան ջերմ ողջույններս բոլորին: Ամանորին մնացել են հաշված ժամեր: Բոլորի տանը տոնական խառնաշփոթ է, մեր տունն էլ բացառություն չէ: Բայց ես ցանկացա անպայման գրել այս գրառումը, որպես տարվա փակում: Ես եկա այս ասպարեզ ընդհամենը 2 ամիս առաջ: Ես դեռ չեմ հասցրել շատ բան ասել ձեզ, բայց կարծում եմ այս ընթացքում քիչ բան էլ չեմ ասել: Ու ես հասցրել եմ սիրվել իմ կողմից շաաատ սիրված ընթերցողներիս կողմից:  Շնորհակալ եմ, որ կողքիս եք: Հատկապես շաաատ մեծ շնորհակալություն եմ ուզում հայտնել <<Քայլ առ քայլ…>> բլոգի Հասմիկին և <<Իմ աշխարհը` ձեր աչքերով>> բլոգի Սիրարփիին: Շնորհակալություն ամեն ինչի համար:

Հայտնաբերվել է նոր վարակ` ամանորյա հեքիաթային տրամադրություն անունով.....

  Լա-լա-լա     լա-լա-լա    լա-լա-լա-լա-լաաաա………...Ուրախագույնս ուրախ բարևներս բոլոր ընթերցողներիս: Բարձր տրամադրությամբ եկել եմ ձեզ ժպիտ պարգևեմ: Գլխիս դրված Ձմեռ Պապիկի գլխարկը մի տեսակ հեքիաթային և պայծառ տրամադրություն է ստեղծել ինձ մոտ: Ու ես անպայման ուզում եմ դրանով վարակել ձեզ:Դրա համաաաար առաջարկում եմ դիտել ներքևում դրված տեսահոլովակները` ցանկալի է գլխարկներով և ամանորյա տաք շնչով պարուրված: Առաջինը ցանկալի է, բայց պարտադիր չէ, երկրորդը` և ցանկալի է և պարտադիր:))) Հավատացնում եմ հիասքանչ տրամադրությունը կապահովվի: Դե համեցեք, դիտեք, մեկնաբանեք…..

Պարը, որպես դրական էներգիայի աղբյուր...և թե ինչ են իրենցից ներկայացնում հնդկական պարերը:

Ես այսօր ուզում եմ գրել ինձ համար շատ հոգեհարազատ ու սիրելի թեմայի մասին: Մինչ կսկսեք կարդալը, ասեմ, որ նյութը բավականին երկար է, բայց չափազանց հետաքրքիր: Չեմ կարծում, որ արժե կարդալ ու կիսատ թողնել, այնպես, որ եթե ժամանակ չունեք կարդալ մինչև վերջ, ապա ավելի լավ կլինի մնա հետո գաք: Ուրեմն այսպես, ես գրելու եմ պարերի մասին, բայց ոչ թե սովորական, այլ հնդկական պարերի մասին:

    Մինչ հնդկականին անցնելը, մի փոքր պարի մասին: Կարծում եմ ոչ մեկի համար գաղտնիք չէ, որ պարելը մարդուն հաղորդում է հսկայական դրական էներգիա: Բացի այդ, պարը զգալիորեն լավացնում է նյութափոխանակությունը,  սրտանոթային և շնչառական համակարգերի աշխատանքը, բարձրացնում է իմունիտետը: Պարը հատկապես օգնում է այն մարդկանց, ովքեր երկար ժամանակ են անցկացնում նստած վիճակում (այսինքն ժամերով նստում են համակարգչի դեմը, որը, ինչպես գիտենք մահացու վտանգի առաջ է կանգնեցնում մեզ…սրա մասին կարող եք կարդալ իմ կողմից շատ սիրելի http://www.e-armenians.com-ի այս գրառման մեջ)…Բազմաթիվ հոգեբանների տեսանկյունից պարը խորհուրդ է տրվում հատկապես նրանց, ում մոտ նկատվում է չափից դուրս վախի զգացողություն կամ անինքնավստահություն: Այս ամենի հետ մեկտեղ, այն օգնում է գեղեցկացնել կազմվածքը: Հաշվարկված է, որ 30 րոպե ժամանակակից պարը կարող է այրել մոտ 300 կկալ, իսկ բալետը և չիչոտկան 200 կկալ: Նշեմ նաև, որ պարերը բարձրացնում են աղջիկների սեքսուալությունը (տնավարի ասած դառնում են sexy): Բժիշկ-արվեստա-թերապեֆտների կարծիքով պարը ավելի լավ է բուժում հոգին, քան խոսքերը:    

Միիիի քիչ բողոքում եմ:)))

    Տոնական բարևներ տանջված Գունավորիկի կամ  ավելի շատ տանջված Սիրուշիկի կողմից: Ընթերցողներ ջաաան այսօր ուզում եմ բողոքեմ: Հա, Գունավորիկը ուզումա բողոքի: Դե իհարկե մեզ բոլորիս քաջ ծանոթ թեմայից`  դասերից:

    Գրու՜մ եմ, գրու՜մ եմ ու էլի գրում եմ………լա՜՜՜աաաաավ էլի, հերիք չի՞, հոգնեցի՜: Ինչքա՞ն կարելի է անհատական աշխատանքներ գրել: Քոռացա էս լարված գրելուց: Նենց էլ <<լավ>> ու <<հեշտ>> թեմա եմ ընտրել: Էսի հլը մի քիչ ոչինչ, բա հավանականությանս տեսությունը ո՞նց եմ գրելու: Հավանաբար շատ հավանականա, որ հավանականությանս տեսությունը ինձ կհասցնի հավանական խելագարության: :)))

Ողջույն ժպիտ, ես քեզ սպասում էի:)))

    Քայլում եմ սառած փողոցներով: Քայլում եմ դեպիիի………Չգիտեմ, թե դեպի ուր եմ քայլում: Պարզապես ուզում եմ մտածել, ուզում եմ երազել: Դրսում ցուրտ է: Նստում եմ նստարաններից մեկին ու սկսում դիտել սահադաշտում պարող մարդկանց: Որքան երջանիկ են նրանց դեմքերը` պարուրված պայծառ ժպիտներով: Իսկ ու՞ր է իմ ժպիտը: Կորցրե՞լ եմ, մոռացե՞լ ինչ-որ մեկի մոտ, թե պարզապես չքացել է: Փաստն այն է, որ ժպիտս չկա: Շարունակում եմ հետևել պարողներին: Մի օտարերկրացի ֆոտոխցիկով նկարում էր սահողներին, հանդիսատեսին: Հերթն հասավ ինձ` ժպտացի, նկարեց: Բայց մի րոպե….Ժպտացի՞……բայց իմ ժպիտը չկար, որտեղի՞ց հայտնվեց: Մի՞ թե դա կեղծ էր, մի՞ թե ես խաբեցի այդ մարդուն` տալով նրան կեղծ ժպիտ:

Սովորում ենք սիրել գովազդը...ՄԱՍ 3

    Ջերմագույն ողջույններս բոլորին: Ի տարբերություն դրսի ցրտի ու սառնամանիքի` Գունավորիկիս աշխարհում ջերմ մթնոլորտ է` իմ և դե իհարկե ձեր շնորհիվ…….Եկել եմ ձեզ ներկայացնեմ մի քանի հաջողված և հետաքրքիր գովազդային հոլովակներ: Պարզապես ուզում եմ ցույց տալ, որ գովազդից էլ է հնարավոր հաճույք ստանալ: Իսկ մեզ` հայերիս մոտ, այս արտահայտությունը մի տեսակ տարօրինակ է հնչում: Նախորդ նախադասությանս միտքը հականալու և դրան հավատալու համար պարզապես դիտեք հոլովակները:

Մի քիչ չստեղծագործե՞նք:

                                    

Ողջույններս բոլորին: Մինչ կանցնեմ բուն նյութին ուզում եմ ներողություն խնդրել ընթերցողներիցս, որ շատ ուշ-ուշ եմ գալիս: Կներեք…..մի քանի օր ևս ու ես կրկին ամեն օր ձեզ հետ կլինեմ: Ներեք ինձ: Քիչ մնաց…..Իսկ հիմա ուզում եմ ձեզ ներկայացնել ևս մեկ շատ հիանալի կայք: Սա նույնպես նկարելու համար է, բայց ավելի լավն է, քան նախորդ ներկայացրածս: 

Բա մի հատ չինքնաարտահայտվե՞նք:)))

    Արևագույն բարևներս բոլորին: Ինպես ասում են ջավախեցիները` ի՞նչղ եք: ))) Եթե ինձ էլ եք այդ հարցը ուղղում, ասեմ որ շաաաաաատ լավ եմ: Այսօր վերջացրեցի 4 անհատական աշխատանքներիցս մեկը: Հիմա կասեք. <<ինչ էլ մի ուրախանալու բան ես գտել: Բա էն 3-ը ովա՞ անելու>>: Էլի ես եմ անելու, բայց ամեն մեկի ավարտը ինձ համար մեեեծ ուրախություն է: Լավ դե, ինչ-որ մի տեսակ շեղվեցի: Ես ինչքան հիշում եմ ինձ գովելու համար չեմ եկել: )))Մի վայրկյան  (այստեղ  տեղին կլիներ  գլուխը    մտածկոտ քորող ժպիտիկը)….հըըըըըմ…իիիիիի……..հաաաաաա…… ……լաաաաաաաավ…..հիշեցի:

Միասին գնում ենք աշխարհահռչակ թանգարաններ:

Վերսալյան պալատ

Գունագեղ ու տաաաք բարևներ բոլորին: Այսօր շատ պատահաբար մի հետաքրքիր ինտերնետային կայք եմ գտել և ուզում եմ ձեզ հետ հասցեով անպայման կիսվել: Եթե դուք երբևէ երազել եք լինել աշխարհի ամենահայտնի պատկերասրահներում և թանգարաններում , ապա սա իսկը ձեզ համար է: Այստեղ դուք կարող եք քայլել դրանց ներսում և տեսնել, թե ինչպիսին են նրանք իրականում: Օրինակ` դուք երբևէ չե՞ք ցանկացել գնալ Վերսալյան պալատ: Այստեղխ թեկուզ վիրտուալ, բայց հնարավորություն ունեք իրականացնելու ձեր երազանքը: Այս կայքը հովանավորվում է Google-ի կողմից: Բոլորիդ խորհուրդ եմ տալիս այցելել: Հետո կկիսվեք տպավորություններով:

    Կայքն այցելելու համար սեղմեք նեքևում գտնվող նկարի վրա:

Առաջարկում եմ լսել:

    Ողջույն բոլորին: Այսօր բոլորիդ առաջարկում եմ դիտել մի շատ հաջողված տեսահոլովակ և լսել դրան համապատասխան երգը: Առաջին անգամ դիտելիս ձեզ կթվա, թե տեսահոլովակի երգիչը տղամարդ է))), իսկ ձայնը ապահովում է ինչ-որ կին: Առաջին մասը ճիշտ է, բայց այ երկրորդը` ոչ: Դա երգիչի իրական ձայնն է, որում կարող եք համոզվել` դիտելով նրա մյուս աշխատանքները: Բաաա…..ինչ հնարավորություններ ունի ձայնը: Երգչի մասին ավելի մանրամասն տեղեկություններ ստանալու համար այցելեք ChristopheWillem հղումով: Դե իսկ հիմա արդեն միացրեք ներքևում գտնվող տեսահոլովակը և վայելեք հիասքանչ կատարումը:

Ահա հղումով երգի բառերը և թարգմանությունը կարող են կարդալ նրանք, ովքեր ինձ նման ֆրանսերեն չգիտեն, բայց իրենց հետաքրքրում է, թե վերջապես ինչի մասին է երգում երգիչը:

Հարգանքներով` Գունավորիկ

Մի փոքրիկ լեգենդ Չինաստանից:

                               

    Բոլորին կախարդական բարևներ: Գունավորիկիս փորձել եմ հաղորդել նախատոնական կախարդական տրամադրություն: Կարծում եմ հաջողվել է: Ի՞նչ կարծիքի եք: Դե մի պահ եկեք բոլորս թույլ տանք այս մոգությանը փաթաթվել մեզ ……………Իսկ հիմա անցնենք առաջ: Այս օրերին ինձ մոտ անհագ ցանկություն կա ապրել, շնչել նախատոնական տրամադրությամբ, մտածել ու գրել Ամանորի մասին: Այդ իսկ պատճառով այս գրառումս նույնպես նվիրված է նրան: Կարծում եմ բոլորդ էլ բազմիցս լսել եք Նոր տարվա պատմությունները, լեգենդները, միֆերը: Իսկ այս մեկի մասին երևի շատ քչերը գիտեն: Սա շատ հիանալի մի լեգենդ է` Չինական բազմաթիվ լեգենդներից մեկը`  կապված թղթե լապտերիկների հետ: Ուրեմն այսպես……..

Ո՞վ է ուզում դառնալ Ձմեռ Պապիկ:)))

                

   Բարի նորտարուցմիամիսառաջ))) Նոր տարվա նախատոնական տրամադրությամբ ողջունում եմ բոլորիդ իմ բլոգում: Մեր բոլորիս կողմից շատ սիրված տոնին մնացել է դեռ  1 ամիս ու 2 օր, բայց ես արդեն լրիվ այդ տրամադրության մեջ եմ: Իսկ վերջերս տեսած մի հոլովակի շնորհիվ ինձ նույնիսկ Ձմեռ ՊԱՊԻԿ եմ պատկերացնում: Դուք երբևէ ձեզ պատկերացրե՞լ եք այդ դերում: Նվերներ տալու մասին չի խոսքս: Թե չէ բոլորս էլ այդ օրերին միմյանց նվերներով ուրախացնում ենք: Խոսքս հենց Ձմեռ պապիկի կերպարի մասին է:Դե հըլը մի պահ պատկերացրեք` դուք, հագել եք Ձմեռ պապիկի կարմիր պուպուշ շորեր, դրել եք կարմիր գլխարկ ու փափուկ, ձյունաճերմակ մորթի: Տա դաաամ…..ահա և դուք Ձմեռ պապիկ եք: Պատկերացրեցի՞ք: Դե երևի մի քիչ դժվար է: Ոչինչ, ես հիմա ձեզ կօգնեմ: 

ՄուլԾիկային գրառում:

                    

    Բարևներ կյանքը սիրող իմ սիրելի ընթերցողներ: Եկել եմ շատ բարձր տրամադրությամբ և ձեզ եմ բերել մի շաաատ լավ առաջարկ: Մինչ կանցնեմ առաջարկիս ուզում եմ շնորհակալություն հայտնել բոլոր այն մարդկանց, ովքեր ոչ միայն ուրախ, այլ նաև տխուր ժամանակ են կողքիս լինում: Անչափ շնորհակալ եմ, որ դուք կաք: Ինձ երբեք չլքեք, ես ձեր կարիքը շատ ունեմ: Օգտվելով առիթից շնորհակալություն եմ հայտնում նաև ըթերցողներիս, հետո մայրիկիս, հայրիկիս, քույրիկիս, տատիկներիս, պապիկներիս և ձեր հեռուստաըկերությանը…չէէէ է, բլոգին, որ ինձ նման հնարավորություն ընձեռեցիք ինքնաարտահայտվելու: Մի տեսակ ԱԼՄ-ական շեղում ոնց որ ստացվեց …հը՞ըըն :))))))))))))……….Լավ վերադառնամ մեր գծի վրա և անցնենք առաջ: 

Մենք նրան ոչ ոքի չենք տա:

    Բարևներ բոլոր բոլոր բոոոլոր ընթերցողներիս: Բարձր տրամադրությամբ առաջարկում եմ կարդալ գրառումս: Այսօր ուզում եմ, որ բոլորս կենտրոնանանք այն թեմայի շուրջ, որի մասին գրում եմ: Իսկ գրառումս լինելու է կարմիր, կապույտ և ծիրանագույն գույների մեջ: Կարծում եմ արդեն որոշ չափով կռահեցիք, թե ինչի մասին եմ գրելու: Ուրեմն այս երգի ներքո մի պահ բոլորս հիշում ենք, որ մենք Հայ ենք, հիշում ենք մեր անցած ճանապարհը և շարունակում ենք կարդալ…Ես որոշեցի գրել հայրենասիրության մասին: Հուսով եմ ձեր մտքով հենց հիմա չանցան նմանատիպ արտահայտություններ, ինչպիսիք են. “Ի՞նչ հայրենասիրություն, երԳիրը երԳիր չի…հայրենիքը մեզ սիրու՞մ ա, որ մենք էլ իրան սիրենք” ու նմանատիպ Հային ոչ վայել արտահայտություններ: Եթե անցավ, ապա միանգամից հեռացրեք այդ մտքերը, հակառակ դեպքում առաջարկում եմ ուղղակի չշարունակել կարդալը: Իսկ մյուսները թող գան ինձ հետ մինչև վերջ: 

Պարզապես ուրախ գրառում:)))

 Բարև ձեզ ընթերցողներ ջաաան:  Ուրախ եմ, որ այցելեցիք: Տեսեք ես ու բլոգս ձեզ լաաաայն ու ի սրտե ժպտում ենք: Դե  մի հատ էլ դուք մեզ ժպտացեեեք…)))մեր ցանկությունը ձեզ ժպիտ ու ծիծաղ պարգևելն է: Ըհըըըն…ապրեք….)))հիմա սենց ժպիտներով անցնենք առաջ: Այս գրառումս պարզապես ուրախ գրառում է և նրա նպատակն է բարձրացնել բոլորի տրամադրությունը: Չնայած ես չեմ կարծում, թե ինչ-որ մեկի տրամադրությունը հիմա ցածր է, քանի որ ով մտնում է իմ բլոգ, անպայման պետք է ժպտա:

Իսկ դուք դիտու՞մ եք մուլԾիկներ:)))

Ողջույներս բոլոր ընթերցողներիս: Ես կրկին ձեզ հետ եմ:  Մինչ կշարունակեմ գրառումս` բոլորիդ առաջարկում եմ արթնացնել ձեր մեջ գտնվող մանկությանը, փոքրիկ երեխային, ով ձեր ապրած տարիների ընթացքում ձեզ չի լքել: Այո՛, չի լքել: Ուղղակի ոմանց մոտ շատ խորն է քնած, իսկ ոմանց մոտ (օրինակ իմ), այն միշտ արթուն է: Ընդունեք առաջարկս, հակառակ դեպքում անիմաստ կլինի գրառումս կարդալը և դուք ոչինչ չեք հասկանա: Արթնացրեցի՞ք:Դե ուրեմն անցնենք բուն թեմային: Երևի արդեն շատերդ հասկացաք, թե ինչի մասին եմ գրելու: Դե իհարկե մուլտֆիլմերի: Սա իմ ամենասիրած թեմաներից մեկն է, քանի որ ես հոգուս 69%-ով մանուկ եմ և մուլտֆիլմերի համար խելագարվում եմ: 

Եկեք երգենք...)))♬ ♫ ♪ ılıl|llılı ♪ ♫ ♬

                

 ✱ ✲ ✱ Բաևներ բոլոր բոլորին: Այսօր մի տասակ ձմեռային, մառախլապատ տրամադրություն է դրսում: Եվ այդ տրամադրությունը փոխանցվել է ինձ: Չ՛է, ես այդ առիթով չեմ տխրել: Հակառակը` այդ տրամադրության տակ հաճույքով թեյ եմ խմում: Թեյը լավ բան է եթե իհարկե խմում ես իսկական թեյ, այլ ոչ թե դրա մշակված թափոնները: Այո՛, մի զարմացեք: Փաթեթներով թեյերի մեեեծ մասը այդպիսի կազմություն ունեն: Մտածում եք` ինչպե՞ս խուսափեք նման բաներից և տարբերեք վատը լավի՞ց: Պարզապես գնեք սովորական` առանց փաթեթների թեյը: Սա պարզապես մի փոքրիկ խորհուրդ այս եղանակին ինձ պես շաաատ թեյ խմող ընթերցողներիս: Հուսով եմ կընդունեք.....Վերադառնանք եղանակին:

Ցույց տուր ձեռագիրդ, ասեմ` ով ես դու:

     Բարևներ բոլորին, բոլորին, բոլորին: Հեսա կասեք. “Ու՞ր ես ա՜յ Գունավորիկ ջան: Ուշ-ուշ ես գալիս, “ծիկ” ես անում, գնում ես”: Ինչպես կասեր Պ. Սևակը. “Ուշ-ուշ եմ գալիս, բայց ոչ ուշացած…)))”: Ընթերցողներ ջաաան, շատ խառն էի: Քանի որ հեռակա եմ սովորում, շատ ուշ եմ վերադառնում տուն և չեմ հասցնում գրել, բայց դա պատճառի մի մասն է: Մյուսն այն է, որ շորի վրա նկարելու պատվեր ունեի և էի մի քանի օր է աշխատում էի դրա վրա: Արդեն վերջացրել եմ ու եկել եմ ձեզ մոտ: Ուզում եմ ինձ հույս տալ, որ կարոտել էիք: Հա՜, քիչ էր մնում մոռանայի: Ուշացումով շնորհավորում եմ բոլոր ուսանողների, ներառյալ իմ տոնը: Ցանկանում եմ մեզ լիքը-լիքը գիտելիքներ: Շնոր-հա-վոր…Ոռա՛, ուռա՛, ուռա՛…Այ հիմա անցնեմ գրառմանս:

Այսօր ձեզ եմ ցանկանում ներկայացնել մարդու հոգեբանության մասին մի գրառում: Ավելի ճիշտ գրառում ձեռագրի և հոգեբանության միջև կապի մասին: Իսկ ի՞նչ է ձեռագիրը: Ձեռագիրը տվյալ մարդու ուրույն գրելաոճն է: Օրինակ, երբ մենք վերցնում ենք ինչ-որ տետր, առանց անուն կարդալու ասում ենք. “Սա “Դավիդի” տետրն է, նրա ձեռագիրն է”: Սրանից հետևություն, որ յուրաքանչյուր մարդ ունի իր գրելու ձևը` ձեռագիրը: Կարծում եմ շատերդ եք լսել, որ մարդու ձեռագիրը շատ բան է ասում տիրոջ մասին:

Բարձրացնում ենք տրամադրությունը:)))

   Ողջույն բոլոր ընթերցողներիս…Այսօր առաջարկում եմ բոլորիս տրամադրությունը բարձրացնել այս երգով: Լսեք, շատ լավն է…իսկ ես կվերադառնամ ավելի ուշ:)))

Սպիտակ խալաթներով գույները:)))

                                           

    Եվս մեկ անգամ Բարի Գալուստ: Ով որ առաջին անգամ է մտնում իմ բլոգը` ոտքը խերով լինի ու իրա գալը առաջինը լինի վերջինը չլինի: )))

    Հիմա գրառմանս մասին: Եկել եմ, որ գրեմ գույների մասին: Ինձ` Գունավորիկիս  հոգեհարազատ թեմայի մասին: Անընդհատ ցանկանում եմ գույներով պատել բլոգս, որպեսզի մտնելով` ձեր տրամադրությունը միանգամից բարձրանա…բարձրանաաաա, գնաաա, հասնի 7-րդ երկինք: Ուզում եմ ձեր դեմքին ժպիտ հայտնվի, թեկուզ հենց այս տողս կարդալու ընթացքում: Ժպտու՞մ ես…..ուրեմն ինձ մոտ ստացվում է: Լավ հիմա անցնենք գույներիս և դրանց մեկնաբանությանը, բայց դու ժպիտդ մի թաքցրու, այն իսկ և իսկը քո դեմքի համար է:………Կարծում եմ շատերդ գիտեք, որ գույները մարդկանց վրա ունենում են տարբեր ազդեցություններ: Յուրաքանչյուր գույն ունենում է իր յուրահատկությունները: Չնայած նրան, որ տարբեր գույների ընկալումը սուբյեկտիվ բնույթ ունի (դե բոլորս էլ ունենք մեր սիրած գույները…օրինակ իմը կարմիրն է, կարմիրի համար խելքս իմս չէ), այնուամենայնիվ որոշակի գույների ազդեցությունը տարբեր մարդկանց մոտ հիմնականում նույնն է: Նախ տեսնենք, թե որ գույնը, ինչպես է ազդում: Կարմիր հատվածի գույները` կարմիրը, նարնջագույնը, դեղինը, որոնց անվանում են տաք, ջերմ գույներ (ես լիովին համամիտ եմ գիտնականների այս կարծիքի հետ), կարող են առաջացնել տարբեր էմոցիաներ` ջերմության, հարմարավետության զգացումից մինչև թշնամանք ու զայրույթ: Իսկ կապույտ հատվածի գույները` կապույտը, կանաչը և մանուշակագույնը, որոնց սովորաբար անվանում են սառը գույներ, հանգստացնում են, սակայն կարող են նաև առաջացնել տխրության կամ անտարբերության զգացումներ:

    Իսկ դուք գիտեի՞ք, որ կա նաև բուժում գույների միջոցով:

Նա եկավ...

              

    Բարև բոլորին ևս մեկ անգամ………Մի քիչ առաջ եմ արթնացել ու տեսել եմ այնպիսի մի բան, որի մասին ցանկացա անպայման գրել: Գիտեք ի՞նչ է եղել……Այսօր գալիս է աշնան առաջին ձյունը (մեր մոտ առաջինն է): Բոլոր նրանց, ովքեր այսօր առաջին անգամ տեսան ձյուն շնորհավորում եմ դրա կապակցությամբ ու մաղթում հաճելի ձմեռ: Մի քիչ շտապեց, բայց ի՞նչ արած, պետք է ընդունել նրան: Բարիիիիիիիիի գալուստ ձյուուուն: Մենք քեզ չեինք սպասում, բայց համեցիր մեզ մոտ: Մենք հյուրասեր ազգ ենք ու քեզ շատ լավ կընդունենք: 

Մի քիչ հանգստանանք...

    Ողջույն իմ սիրելի ընթերցողներ ջաաան: Այսօր շատ պատահաբար մի երգ եմ գտել ու լսել և շատ եմ հավանել: Շատ լավ բառեր են ու շատ հանգիստ երաժշտություն է: Ուզում եմ, որ դուք էլ անպայման լսեք: Կապ չունի` ինչ ոճի երաժշտություն եք սիրում, ուղղակի ձեզ խորհուրդ եմ տալիս լսել: Հատկապես եթե լարված եք կամ ինչ-որ բանից նյարդայնացած: Կարծում եմ այս երգը ձեզ կհանգստացնի և կօգնի:

    Չմոռանաք հայտնել ձեր կարծիքը երգի վերաբերյալ:)))

"Կյա՜նք", որքան հզոր ու վեհ է հնչում...

       

Նախ բարևներ բոլորին: Գիտե՞ք, որքա՜ն երջանիկ եմ, որ նստում, սկսում եմ գրել ու գիտեմ,որ կան մարդիկ, ում հետաքրքիր են գրածներս և ովքեր միշտ կարդում են դրանք: Շնորհակալ եմ, որ դուք կաք: Ինձ չլքեք:

    Այսօր ուզում եմ գրել կյանքի մասին: Այո՛, հենց այն կյանքի, որը պատկանում է յուրաքանչյուրիս: Շատերս չենք գիտակցում, որ այն կարճ է ու մեզ տրված է ընդհամենը մեկ անգամ (ես չեմ խոսում հանդերձյալ կյանքի կամ նման տիպի բաներից, քանի որ դրանց մասին ամեն մեկն ունի իր սուբյեկտիվ կարծիքը) ու այն հաճախ վատնում ենք անիմաստ բաների վրա: Հըլը բարձրաձայն ասեք “ԿՅԱ՜ՆՔ”….Զգու՞մ եք` որքան վեհ ու հզոր է հնչում: Դա ինչի՞ց է…Նրանից, որ այն միակն է ու անկրկնելին: Եթե կորցրեցիր, գտնելու հնարավորություն չես ունենա: Եթե անիմաստ վատնեցիր, փոխելու հնարավորություն չես ունենա: Ուստի պետք է պահպանել այն: Պահպանել թե՛ քո և թե՛ քո դիմացինի կյանքը: Այս ամենից հետո հարց է ծագում` իսկ ին՞չ անել, որպեսզի անիմաստ չլինի:

Do you see how much I need you right now?

Ժամերով լսում ու չեմ հագենում այս երգից…Այս մի քանի օրվա ընթացքում ես ու նա մտերմացել ենք: Որքա՜ն ճիշտ բառեր է ասում, որքան ճիշտ է նկարագրում հոգեվիճակս……….

Ու՞ր ես հոգուս եղանակ...

    Բարևներ ընթերցողներիս: Այսօր ես չեմ գրելու ինչ-որ հետաքրքիր փաստի մասին, չեմ գրելու գովազդների մասին, չեմ կատարելու ինչ-որ բանի վերլուծություն: Այսօր պարզապես ուզում եմ գրել իմ հոգեվիճակի մասին: Ուզում եմ հաղորդել այն, ինչ կա այնտեղ, ինչ կատարվում է այնտեղ: Ես կարծում եմ միայն իմ հոգում չի տիրում այս իրավիճակը, շատերն են նույնը զգում: Եվ դա պայմանավորված է դրսում տիրող եղանակով:

    Աշուն է: Աշուն է ամենուրեք` և դրսում, և իմ հոգում: Դրսում աշունն անխուսափելի է, իսկ իմ հոգու՞մ: Ինչու՞ է այն մտել նաև հոգուս մեջ: Ես նրան չէի սպասում, ես նրան չեմ սիրում: Մի՞ թե իմ հոգու եղանակներն էլ են տարվա հետ համահունչ` աշնանը` աշուն, ձմռանը` ձմեռ, գարնանը` գարուն, ամռանը` ամառ: Ամա՜ռ…Երանի՜ հոգումս միշտ ամառ լիներ: Նա միշտ սպասված հյուր է ինձ համար: Բայց ես կնախընտրեի, որ հոգուս մշտական բնակիչը լիներ, այլ ոչ թե պարզապես հյուր: Իսկ նա հիմա իր տեղը զիջել է ցրտին, անձրևին ու քամուն: Ու դրա հետևանքով հիմա հոգումս փոթորիկ է` անձրևոտ փոթորիկ:

Մի փոքրիկ ինքնագովազդ :Ճ

          

    Բարևներ բոլորին: Նախ ներողություն եմ խնդրում մի քանի օրվա բացակայություններիս համար: Պատճառը անձնական է, և չեմ կարծում թե ձեզ կհետաքրքրի: Լավ անցնենք առաջ: Այստեղ ես ուզում եմ մի փոքր գովազդել ինքս ինձ :Ճ Ավելի կոնկրետ իմ աշխատանքները: Ուրեմն այսպես: Ես նկարում եմ հագուստի վրա: Նկարում եմ այն ամենը, ինչ ցանկանում են, բացի դիմանկարներից. դեռ չեմ փորձել: Դուք նույնպես կարող եք պատվիրել: Ես մեծ սիրով կնկարեմ ձեզ համար: Գները շատ մատչելի են` սկսած 3000 դրամից: Դա կախված է ձեր ընտրած նկարի բարդությունից: Պատվիրելու համար գրեք ինձ հետևյալ էլեկտրոնային հասցեով` siriktovmasyan@mail.ru կամ facebook-ի էջիս, որը կարող եք տեսնել բլոգիս աջ կողմում:

    Ահա իմ մի քանի աշխատանքները`

 

Այս կիթառը նկարել եմ իմ վերնաշապիկին:

Սակայն սրանք բոլորը չեն: Ցավոք մնացածները տվել եմ պատվիրատուներին առանց նկարելու:

Շնորհակալություն ուշադրության համար:

                                             

Մի փոքրիկ աշուն Սևակից...

ԱՇՆԱՆԱՅԻՆ ՎԱԼՍ


Մի մոռացկոտ անձրև
Ու մի երկչոտ քամի
Դաշնագիր են կնքել մեկմեկու հետ՝
Բնա՛վ չհարցնելով կամքն աշխարհի,
Ու գործի են անցել.
Շաղ են տալիս... տաղտուկ։
Տերևները կրկին գործադուլ են անում,
Եվ ծառերի կանաչ գործարաններն արդեն
Էլ չեն արտադրում ո՛չ թթվածին,
Ո՛չ էլ դեղին շրշյուն,-
Հե՜րն անիծած։

Ու ծվատված ձանձրույթն ամենքիս մեջ
Երազում է հիմա հնավաճառ միայն։
Ա՜խ, թե պատուհանից մեկի ձայնը խռպոտ
Խուժեր սենյակ.
«Ձանձրո՜ւյթ, հին-մին ձանձրո՜ւյթ կառնեմ»...

Եվ ամենքս ենք հիմա կիսով մենակ,
Եվ ամենքս ենք հիմա կիսով տխուր՝
Հոգնած մե՛ր իսկ բոլոր շարժումներից,
Եվ ձևերի՛ց ամեն
Եվ մտքերի՛ց բոլոր...

Օդը հաստանում է մառախուղով,
Ու մշուշով երկինքն է ցածրանում.
Որ բարակի թելը համբերության
Ու վեր բարձրանալիս ճիչ ճնգոցով հատվի։

Եվ ամենքըս հիմա վատ բաներ ենք հիշում,
Եվ ամենքըս հիմա հոռետես ենք դարձել,
Ամե՜ն ինչից զզված,
Զզված նաև մեզնի՛ց։
Եվ մեր քիթ ու մռթից քմծիծաղ է կաթում,
Ինչպես ամեն ծառից` կենտ-կենտ տերև,
Ինչպես ջրհորդանից՝ անձրևաջուր կեղտոտ,
Քիվից՝ պղտոր կաթիլ,
Տտիպ տաղտուկ՝ հոգուց...
Կաթո՜ւկ-կաթո՜ւ-կաթո՜ւկ,-
Հե՛րն անիծած...

Այս մոռացկոտ անձրևն ու այս երկչոտ քամին,
Տխրությունն այս բարակ և տաղտուկն այս պարարտ,
Նաև վատն ու հոռին
Պարազույգ են կազմել
Ու պարում են-պարո՜ւմ-պարո՜ւմ հիմա
Մեր փողոցու՛մ,
Տա՛նը,
Մեր սենյակո՛ւմ նեղլիկ։

Երկրագունդն է պարում նույն վալսը հին ու նոր,
Տարվա եղանակներն անվերջ նույնն են պարում,
Նույնն է պարում կյա՛նքը,
Նույնն է պարում մի՛տքը։
Այս ի՜նչ խենթություն է,-
Հե՛րն անիծած...

Եվ ինչ է դեռ մնում, որ ի՜նչ անենք։
(Ձանձրույթ առնող չկա.
Մենք ամենքս ենք ծախող)
Ձանձրույթի հետ կազմենք լավ պարազույգ
Ու պտըտվենք մե՛նք էլ,
Մե՛նք էլ պարենք
Խենթացնող այս վալսը` խենթի նման,
Պարենք մեր անձկացած ու նեղացած հոգո՛ւմ,-
Ի՜նչ ուզում է լինի.
Հե՜րն անիծած...